இன்றைய காலகட்டத்தில் சரியான வேலையில்லாமல், வசதியில்லாமல், சொந்த வீடில்லாமல், வசதியிருந்தாலும் மிக பெரிய படிப்பு இல்லாமல், பெண் வீட்டார் மெகா பட்ஜெட் எதிர்பார்ப்பை பூர்த்தி செய்ய முடியாமல் இப்படி இன்னும் பல இல்லாம்களால் திருமணம் என்பது ஒரு நிறைவேறாத பெரும் கனவாகவே பல குடிமகன்களுக்கு உள்ளது. நம் தமிழ்நாட்டில் திருமணத்திற்கு பிறகு தான் உடலுறவு, தாம்பத்திய வாழ்க்கை என்று சமூகம் கலாச்சார விதிமுறைகளை வகுத்துள்ளது. பெருநகரங்களில் அதுவும் ஹைஃபை ஆக மாறி விட்ட ஐடி வளாகங்கள் நிறைந்துள்ள பெரு நகரங்களில் இந்த கலாச்சாரம், கத்திரிக்காய் எல்லாவற்றையும் குப்பை தொட்டியில் போட்டு மூடி விட்டார்கள். அங்கேயே லிவ் இன் என்று திருமண பந்தம் இல்லாமலே ஆணும் பெண்ணும் ஒரே வீட்டில் இணைந்து பிணைந்து வாழும் வாழ்க்கை முறை வந்து விட்டது.
இது போன்ற உறவுமுறைகள் சரியா தவறா என்ற விவாதத்துக்குள் எல்லாம் போய் இந்த கட்டுரை ஆராய போவதில்லை. ஏனெனில், இதே லிவ் இன் முறையில் ஒரே பாலினத்தை சேர்ந்தவர்கள் (ஆணும் ஆணும், பெண்ணும் பெண்ணும்) சேர்ந்து வாழும் தலைமுறையில் நாம் வாழ்ந்து கொண்டிருக்கிறோம். அதே பெருநகரங்களில் சனிக்கிழமை இரவுகளில் நடக்கும் பார்ட்டிகளில் தங்கள் பெண் துணையை அல்லது பெண் நட்பை நண்பர்களுக்குள் மாற்றி கொள்ளும் எக்ஸ்சேஞ்ச் செயல்பாடுகள் நடக்கும் காலம் இது. ஆனால் இவைகள் எல்லாம் கிராமங்களிலோ, சிறு நகரங்களிலோ சாத்தியமில்லை. இவற்றை பற்றி எல்லாம் உண்மை சம்பவங்களுடன் விரிவாக எழுத போனால் இந்த கட்டுரை ஒரு 18+ நாவலாக உருவெடுத்து விடும் அபாயம் உள்ளது, அதனால் இப்போது தலைப்பில் கொடுத்துள்ள ரோபோக்கள் பற்றிய விஷயத்திற்கு வருகிறேன்.
இது போன்ற சமூகம் விதித்திருக்கும் கலாச்சார விதிமுறைகளை எல்லாம் காலில் போட்டு நசுக்கும் வகையில் மனிதர்களின் பல வகையான தேவைகளுக்காக பல வகையான ரோபோக்கள் தயாரிக்கப்பட்டு வந்தது. இப்போது மனிதனின் பாலியல் உணர்வுகளுக்கு வடிகால் ஆக செயல்படும் வகையில் (தேவைப்படும் போது உடலுறவு கொள்ளும் வகையில்) காதல் அல்லது செக்ஸ் ரோபோக்கள் தயாரிக்கப்பட்டு விற்பனைக்கு வந்ததுள்ளன. இந்த செக்ஸ் ரோபோக்கள் அழகான உயிருள்ள பெண்களை போலவே தோற்றமளிக்கின்றன. திருமணத்தை தள்ளி போட்டு கொண்டே முப்பது நாற்பது என்று வயது ஓடி வரும் பலருக்கு இனி இந்த மாதிரியான ரோபோக்கள் தான் உற்ற துணையாக இருக்கும் போலிருக்கிறது.
சமீபத்தில் (ஜனவரி மாதம் 22-25, 2020) லாஸ் வேகாஸ் நகரில் நடந்த ஏ வி என் அடல்ட் எண்டர்டெயின்மெண்ட் எக்ஸ்போ - என்ற உலக புகழ் பெற்ற கண்காட்சியில் உயிருள்ள நிஜமான பெண்களை போலவே தோற்றமளிக்கும் செக்ஸ் ரோபோக்கள் பார்வைக்கு வைக்கப்பட்டிருந்தன. இந்த செக்ஸ் ரோபோக்களை ரியல் டால் என்ற நிறுவனம் தயாரித்து விற்பனைக்கு வைத்துள்ளது. ஹார்மணி என்ற புகழ் பெற்ற செக்ஸ் ரோபோவை ஏற்கெனவே இந்த நிறுவனம் தயாரித்து நூற்றுக்கணக்கான வாடிக்கையாளர்களுக்கு டெலிவரி செய்துள்ளது. இந்த செயற்கை நுண்ணறிவு கொண்ட செக்ஸ் பாட்களை கலிபோர்னியாவிலிருந்து செயல்படும் ரியல்போடிக்ஸ் என்ற தொழில்நுட்ப நிறுவனம் ரியல் டால்ஸ் நிறுவனத்திற்கு தயாரித்து வழங்குகிறது. இது ரியல் டால்ஸ் நிறுவனத்தின் துணை நிறுவனமாகும்.
ஹார்மனி என்று பெயரிடப்பட்ட செயற்கை நுண்ணறிவு கொண்ட செக்ஸ் ரோபோ நிஜமான பெண்ணை போன்ற முக அமைப்பு கொண்ட தலையுடன் உள்ளது. முழுவதும் சிலிகான் கொண்டு தயாரிக்கப்பட்ட உடலுடன் இந்த தலை இணைக்கப்பட்டுள்ளது. இந்த ஹார்மனி ரோபோ பொம்மை பேசும், ஜோக்குகள் சொல்லும், சிரிக்கும், பழைய உரையாடல்களில் இருந்து சுவாரஸ்யமான விஷயங்களை நினைவூட்டும்.
உண்மையான பெண்ணை போலவே தங்கள் நிறுவனம் தயாரித்துள்ள செக்ஸ் பாட்கள் தோற்றமளிக்கும் என்று ரியல் டால்ஸ் நிறுவனத்தின் நிறுவனரான மாட் மெக் முல்லென் தெரிவித்துள்ளார்.
இந்த வகையான செக்ஸ் ரோபோக்கள் சீன இணையதளங்களில் 11000 ருபாய் முதல் ஒரு லட்சம் ருபாய் வரை விலைக்கு வந்துள்ளன.
